ანდრიაწმინდაში სეტყვამ სასოფლო–სამეურნეო სავარგულები გაანადგურა

ახალციხის მუნიციპალიტეტის სოფელ ანდრიაწმინდაში დღეს დაახლოებით დღის სამ საათზე მოსულმა სეტყვამ სასოფლო–სამეურნეო სავარგულები მთლიანად გაანადგურა. განადგურებულია ნათესები, ნარგავები, ხეხილი, ბოსტნეული. დამტვრეულია სახურავები, დაზიანებულია სოფელთან მისასვლელი გზა. ინფორმაცია და ფოტო მასალა სტიქიის შესახებ ,,ექოს” ადგილობრივმა მკვიდრმა მიხეილ ინასარიძემ მიაწოდა.