კალათბურთის ტურნირი ახალციხეში

ახალციხის მუნიციპალიტეტის გამგეობის ეგიდით საჯარო სამსახურებს, უბნებსა და სხვადასხვა დაწესებულებებს შორის კალათბურთში ტურნირი დაიწყო. დღეს, პირველი საჯარო სკოლის დარბაზმა ოთხ მატჩს უმასპინძლა. ჩემპიონატში მონაწილეობას სულ 12 გუნდი იღებს, ისინი ერთმანეთს წრიული სისტემით ხვდებიან. მუნიციპალიტეტის პირველობისთვის ბრძოლა 28 თებერვალს დასრულდება. გამარჯვებული გუნდი ადგილობრივი ხელისუფლების მიერ დაწესებული პრიზებით დაჯილდოვდება.