Category Archives: განათლება

ახალციხის #1 ბაღი დაგვიანებით გაიხსნა

ახალციხის ნომერ პირველი ბაღი დღეს ოფიციალურად გაიხსნა. გახსნამდე სკოლამდელი აღზრდის დაწესებულება ივლიტის ღვთისმშობლის შობის სახელობის ტაძრის წინამძღვარმა დეკანოზმა იოანემ აკურთხა. ახალციხის მუნიცპალიტეტის ბაღების გაერთიანების ხელმძღვანელი განმარტავს, რომ ბაღში სასწავლო, პროცესი თებერვლის თვეში მშობლების მოთხოვნით განახლდა. მანამდე კი სამშენებლო სამუშაოების გამო რამდენიმე თვით სწავლა შეწყვეტილი იყო.

სოფელ ბუღაშენში ახალი სკოლის მშენებლობა მიმდინარეობს

1175313_384586151679295_4937718110897220907_n   სამცხე-ჯავახეთში, ახალქალაქის მუნიციპალიტეტის სოფელ ბუღაშენში 120 მოსწავლეზე გათვლილი ახალი საჯარო სკოლა შენდება. საქართველოს განათლებისა და მეცნიერების  მინისტრი თამარ სანიკიძე და სამცხე-ჯავახეთის გუბერნატორი აკაკი მაჭუტაძე, ადგილობრივი თვითმართველობის წარმომადგენლებთან ერთად, მშენებლობის მიმდინარეობას გაეცვნენ და  მშენებლებს, სოფლის მოსახლეობას, მასწავლებლებსა და მოსწავლეებს გაესაუბრნენ.

სკოლის ძველი შენობის დიდი ნაწილი ავარიულ მდგომარეობაში იყო  და  სიცოცხლისთვის საფრთხეს შეიცავდა. მოსწავლეთა უსაფრთხოების დაცვის მიზნით, სამინისტროს სამეცნიერო და საგანმანათლებლო ინფრასტრუქტურის განვითარების სააგენტომ მიზანშეწონილად ჩათვალა ახალი სკოლის მშენებლობის დასრულებამდე, მოსწავლეები შენობის უსაფრთხო ნაწილში გადაეყვანა და ავარიული ნაწილის სრული იზოლირება განეხორციელებინა.

სოფელ ბუღაშენში ახალი სკოლა გაცილებით უკეთეს და ხელსაყრელ ადგილზე შენდება, სკოლას ექნება თანამედროვე გათბობის სისტემა. კლას-კაბინეტები თანამედროვე სასკოლო მერხებით, დაფებითა და ახალი კომპიუტერებით აღიჭურვება.

სკოლების რეაბილიტაცია, ახალი სკოლების მშენებლობა და  თანამედროვე ტექნიკით მათი აღჭურვა სამინისტროს ერთ-ერთი პრიორიტეტია, სასკოლო ინფრასტრუქტურის განვითარების პროექტის ფარგლებში, მთელი საქართველოს მასშტაბით 9 ახალი სკოლის მშენებლობა ხორციელდება. მომავალი სასწავლო წლისათვის კი, 100-ობით სკოლა გარემონტდება და თანამედროვე სტანდარტებით აღიჭურვება.

ერთიანი ეროვნული გამოცდები 26 ივნისს დაიწყება

562723_546723932042351_227149590_n   გამოცდების ეროვნული ცენტრი 2014 წლის ერთიანი ეროვნული გამოცდების ჩატარების განრიგს აქვეყნებს. ცენტრის ვებგვერდზე განთავსებული ინფორმაციის მიხედვით , ერთიანი ეროვნული გამოცდები 26 ივნისს დაიწყება.
პირველი გამოცდა ქართული ენასა და ლიტერატურაში 26-27 ივნისს ჩატარდება. 
გამოცდა ზოგად უნარებში 30 ივნისს და 1 ივლისს არის დანიშნული. ინგლისურ ენაში – 2 -3 ივლისს. რუსულ, გერმანულ და ფრანგული ენებში კი გამოცდა 4 ივლისს ჩატარდება.
რაც შეეხება დანარჩენ საგნებს, გამოცდების განრიგი შემდეგია: 8 ივლისი – ლიტერატურა; 9 ივლისი – გეოგრაფია; 10 ივლისი – ისტორია; 11 ივლისი – მათემატიკა; 14 ივლისი – ქიმია; 15 ივლისი – ბიოლოგია; 16 ივლისი – ფიზიკა; 16 ივლისი – სახვითი და გამოყენებითი ხელოვნება.

ამასთან, 14 ივლისისთვის ჩანიშნულია სტუდენტთა საგრანტო კონკურსი;

გამოცდების ეროვნული ცენტრი ასევე აქვეყნებს 2014 წლის საერთო სამაგისტრო გამოცდის ჩატარების განრიგსაც – 7 ივლისი – წაკითხულის გააზრება, ანალიტიკური წერა; 8 ივლისი – ლოგიკური მსჯელობა, რაოდენობრივი მსჯელობა; 14 ივლისი – წაკითხულის გააზრება, ანალიტიკური წერა; 15 ივლისი – ლოგიკური მსჯელობა, რაოდენობრივი მსჯელობა.
“ინტერპრესნიუსი”

თამარ სანიკიძე სამცხე-ჯავახეთის სახელმწიფო უნივერსიტეტს ესტუმრა

საქართველოს განათლებისა და მეცნიერების მინისტრი  სამხრეთ საქართველოში – თამარ სანიკიძე სამცხე-ჯავახეთის სახელმწიფო უნივერსიტეტს ესტუმრა. ახალციხესა და ახალქალაქში მინისტრი  პროფესორ – მასწავლებლებსა და სტუდენტებს შეხვდა. მან საგანმანათლებლო სფეროში დაგეგმილ სიახლეებზე ისაუბრა და განმარტა, რომ უახლოეს მომავალში  განათლების სტრატეგიული გეგმა შემუშავდება.

თამარ სანიკიძე სამცხე–ჯავახეთს სტუმრობს

DSC_0410 a  სამცხე– ჯავახეთის სახელმწიფო უნივერსიტეტში განათლებისა და მეცნიერების მინისტრს ელოდებიან. თამარ სანიკიძე უმაღლესი დაწესებულების პროფესორ–მასწავლებლებსა  და სტუდენტებს  პავლე ზაზაძის სახელობის საკონფერენციო დარბაზში შეხვდება. წინასწარი ინფორმაციით, საუბარი უნივერსიტეტის მუშობას, მის პერსპექტივებსა და გასულ კვირას, მთავრობის გადაწყვეტილების საფუძველზე, უმაღლესი დაწესებულებისათვის   სახელმწიფო უნივერსიტეტის სტატუსის მინიჭებას შეეხება.

ამ დროისათვის განათლებისა და მეცნიერების მინისტრი სამცხე–ჯავახეთის უნივერსიტეტის ახალქალაქის კორპუსში იმყოფება. შეხვედრას დაწესებულების რექტორი, მერაბ ბერიძეც ესწრება.

პირველკლასელთა რეგისტრაცია 23 აპრილს დაიწყება

GV 4 , INGLISURI    პირველკლასელთა რეგისტრაციის პირველი ეტაპი 23 აპრილს დაიწყება. პროცესი სამ ეტაპად განხორციელდება. რეგისტრაციის სამივე ეტაპის განრიგს სამინისტრო ხვალ წარადგენს.

პროცესი შეეხება ბავშვებს, ვისი და-ძმაც სწავლობს ამ სკოლაში; ვისი მშობელიც სკოლის თანამშრომელია; ვისი ოჯახიდანაც ერთდროულად ორი ან მეტი ბავშვი შედის პირველ კლასში (ტყუპები, და-ძმები).
კლასში მოსწავლეთა მაქსიმალური რაოდენობა 25 მოსწავლით განისაზღვრა. ამასთან, მესამე ბავშვის მონათვლის თაობაზე პატრიარქის ინიციატივასთან დაკავშირებით, წელს პირველკლასელთა რაოდენობა, გასულ წელთან შედარებით, თითქმის 9 000-ითმეტია.

განათლებისა და მეცნიერების სამინისტრო მშობლებს აფრთხილებს.
ჩვენ გაფრთხილებას ვაკეთებთ ყველა მშობელთან, რომ არ დაარეგისტრიროს ერთი ბავშვი რამდენიმე მეურვემ და მშობელმა ერთდორულად, რაც პროგრამას უქმნის ხარვეზებს. რაც მთავარია, ამის შესაძლებობა მშობელს ნამდვილად არ ექნება, რადგან თუ ერთი და იგივე ბავშვზე რეგისტრაციას დაიწყებს რამდენიმე ადამიანი, საერთოდ  შეჩერდება ამ ბავშვის რეგისტრაცია. პროგრამულად ეს უზრუნველყოფა გაკეთებულია, პროგრამა ისეა გამართული, რომ  მცდელობა ერთი ბავშვი დაარეგისტრიროს 10-მა, 15-მა, 20 ადამიანმა აუცილებლად იქნება დაბლოკილი”, – აღნიშნა განათლებისა და მეცნიერების მინისტრის მოადგილემ ლია გიგაურმა.

ახალციხეში დედაენის დღე იზეიმეს

14 აპრილი– ქართული დედაენის დღე ახალციხეში სხვადასხვა სახის ღონისძიებებით აღნიშნეს. მეორე საჯარო სკოლის მოსწავლეებმა აუდიტორიას, დედაენაზე დაწერილი ლექსები და სიმღერები წარუდგინეს. მათ 1978 წელიც გაიხსენეს და მაყურებელს ვიდეო რგოლი უჩვენეს, სადაც ის პერიოდი იყო ასახული როდესაც ქართული სახელმწიფო ენად გამოცხადდა. ღონისძიების დასასრულს მოსწავლეებს სკოლის დირექტორმა და მოწვეულმა სტუმრებმა მიმართეს და მათ დღევანდელი დღის მნიშვნელობაზე ესაუბრნენ. „ჩვენ უნდა გვახსოვდეს ჩვენი ენა, რადგან ჩვენი ღირსება სწორედ ესაა” –განმარტეს პედაგოგებმა.

ახალციხეს ბრიტანეთის ელჩი სტუმრობს

M2U09221.MPG_000004114     ბრიტანეთის გაერთიანებული სამეფოს ელჩი სამცხე – ჯავახეთის სახელმწიფო უნივერსიტეტს სტუმრობს. ალექსანდრა ჰოლჰოლის ვიზიტი „ნატოს კვირეული 2014“-ის ფარგლებში იმართება.  შეხვედრაზე საუბარი ნატოს ისტორიას, მსოფლიოში უსაფრთხოების უზრუნველყოფის კუთხით მის მიზნებსა და მნიშვნელობას, ასევე, საქართველო-ნატოს თანამშრომლობის ასპექტებს შეეხება.

საქართველოში ნატოს დღეები უკვე მეშვიდედ ტარდება. კვირეული 7 დან 16 აპრილამდე გაგრძელდება. მის  ფარგლებში  ბრიტანეთის გაერთიანებული სამეფოს ელჩი ქვეყნის სხვადასხვა რეგიონებს ესტუმრება.

შსს-ს წარმომადგენლები ახალციხეში სკოლის მოსწავლეებს შეხვდნენ

შინაგან საქმეთა სამინისტროს სამცხე-ჯავახეთის სამხარეო მთავარი სამმართველოს უფროსი თეიმურაზ კალანდაძე და სამინისტროს სხვა წარმომადგენლები,  ანტინარკოტიკული კამპანიის ფარგლებში, ახალციხის მე-5 საჯარო სკოლის მოსწავლეებს შეხვდნენ. შსს-ს წარმომადგენლებმა უფროსი კლასის მოსწავლეებს ე.წ. ბიონარკოტიკის წინააღმდეგ დაწყებული კამპანიის მიზანი და მნიშვნელობა გააცნეს. შეხვედრა კითხვა-პასუხის რეჟიმში გაგრძელდა და მოსწავლეებს საშუალება მიეცათ მათთვის საინტერესო კითხვებზე ამომწურავი პასუხები მიეღოთ.

შსს-ს წარმომადგენლებმა მოზარდებს კამპანიის ფარგლებში გადაღებული საინფორმაციო ვიდეორგოლები უჩვენეს, რომლებშიც სხვადასხვა პროფილის ექიმები მოქალაქეებს ე.წ.  ბიონარკოტიკის მოხმარებით გამოწვეულ საფრთხეებზე აწვდიან ინფორმაციას. შეხვედრაზე შსს-ს გადაუდებელი დახმარების ოპერატიული მართვის ცენტრ „112“-ის მიერ მომზადებული საინფორმაციო რგოლის ჩვენებაც მოეწყო. ვიდეორგოლის მეშვეობით სკოლის მოსწავლეებმა იმ პირველადი სიმპტომების შესახებ შეიტყვეს, რაც ე.წ. „ბიოს“ მოხმარებას ახასიათებს.

შინაგან საქმეთა სამინისტრომ ანტინარკოტიკული კამპანია 24 მარტს დაიწყო. კამპანიის სლოგანია „ერთად შევცვალოთ დამოკიდებულება“. მისი  მიზანი კი ე.წ.  ბიონარკოტიკის გამოყენების პრევენცია და საზოგადოების ინფორმირებაა.  ანტინარკოტიკული კამპანიის ფარგლებში, სკოლის მოსწავლეებთან შეხვედრები ქვეყნის ყველა რეგიონში გაიმართება.

აღნიშნულის შესახებ მასალას შსს–ს ვებ–გვერდი ავრცელებს.

მაია მიმინოშვილი ახალციხელ აბიტურიენტებს შეხვდა

სამცხე–ჯავახეთს, შეფასებისა და გამოცდების ეროვნული ცენტრის დირექტორი ეწვია. მაია მიმინოშვილმა შეხვედრა  ცენტრის წარმომადგენლებთან ერთად,  ახალციხის მეხუთე საჯარო სკოლაში გამართა.