Category Archives: განათლება

მიწისძვრა და შენობის ევაკუაცია ახალციხის მე–7 საჯარო სკოლაში

ახალციხის მე–7 საჯარო სკოლის მოსწავლეებმა და დაწესებულების თანამშრომლებმა მიწისძვრასთან დაკავშირებით როლური თამაში მოაწყეს. გაკვეთილების მიმდინარეობისას მათ მოულოდნელად საგანგაშო მდგომარეობა გამოაცხადეს. საყვირის ხმაზე ყველა მათგანმა მიწისძვრისგან თავის დაცვისათვის აუცილებელ ქმედებებს მიმართა. რის შემდეგაც პედაგოგის მითითების მიხედვით ისინი რამდენიმე გასასვლელიდან ეზოში გავიდნენ.

ევროკავშირთან ასოცირების დოკუმენტი საჯარო ლექციაზე განიხილეს

სამცხე-ჯავახეთის სახელმწიფო უნივერსიტეტის სამეცნიერო ბიბლიოთეკაში საჯარო ლექცია გაიმართა. ლექციას „საქართველოს რეფორმების ასოციაციის“ ხელმძღვანელი სერგი კაპანაძე გაუძღვა.   თემაზე – „ევროკავშირი, ევროინტეგრაცია და ეთნიკური უმცირესობების როლი: საქართველოს პერსპექტივა“ – სტუდენტებთან დისკუსიაც მოეწყო.

2015 წელს სამცხე–ჯავახეთში სკოლების რეაბილტაცია დაიწყება

DSC_4562   2015 წელს საჯარო სკოლების სარეაბილიტაციო სამუშაოები დაიწყება და პირველ ეტაპზე სამცხე–ჯავახეთის, მცხეთა–მთიანეთისა და შიდა ქართლის 30–მდე სკოლას მოიცავს.  სარეაბილიტაციო სამუშაოების მომდევნო ხუთი წლის განმავლობაში განხორციელდება. დაგეგმილია, დაახლოებით, 100 სკოლის რეაბილიტაცია.

განათლებისა და მეცნიერების სამინისტროს ინფორმაციით, საჯარო სკოლების სარეაბილიტაციო პროგრამის მიზანი არსებული სასკოლო ინფრასტრუქტურის  საერთაშორისო სტანდარტების შესაბამისად რეაბილიტირებაა, რაც  სწავლა-სწავლების პროცესის გაუმჯობესებასა და მოსწავლეების რაოდენობის 20 პროცენტამდე  გაზრდას ხელს შეუწყობს.

პროგრამა აშშ-ის ათასწლეულის გამოწვევის კორპორაციასა (Millennium Challenge Corporation – MCC) და საქართველოს მთავრობას შორის 2013 წლის 26 ივლისს ხელმოწერილი მეორე კომპაქტის ფარგლებში ხორციელდება, რომლის მიზანია საქართველოში ეკონომიკური ზრდის ხელშეწყობა ზოგადი, ტექნიკური, პროფესიული და უმაღლესი განათლების ხარისხის განვითარების გზით. მეორე კომპაქტის მთლიანი ბიუჯეტი 140 მილიონი აშშ დოლარი, საიდანაც 54 მილიონი აშშ დოლარი სკოლების რეაბილიტაციას მოხმარდება.

აღნიშნული ეტაპისათვის დასრულებულია 2015 წელს სარეაბილიტაციოდ შერჩეული სკოლების საპროექტო დოკუმენტაცია. სარეაბილიტაციოდ განსაზღვრული სკოლების შერჩევა მოხდა ათასწლეულის გამოწვევის კორპორაციის მიერ შემუშავებული და საქართველოს მხარესთან შეთანხმებული კრიტერიუმების მიხედვით.

პროგრამას  „ათასწლეულის გამოწვევის ფონდი – საქართველო“, განათლებისა და მეცნიერების სამინისტროსთან და საგანმანათლებლო და სამეცნიერო ინფრასტრუქტურის განვითარების სააგენტოსთან თანამშრომლობით ახორციელებს.

რა ეტაპების გავლა მოუწევთ პედაგოგებს პროფესიული წინსვლისთვის?

პედაგოგთა სერტიფიცირებასა და განათლების სფეროში  მიმდინარე სიახლეებთან დაკავშირებით დღეს მესამე საჯარო სკოლაში შეხვედრა გაიმართა. პედაგოგთა პროფესიული განვითარების ეროვნული ცენტრის წარმომადგენლებმა ახალციხის მუნიციპალიტეტის მაშტაბით მომუშავე სკოლის პედაგოგებს, სქემა წარუდგინეს და მათ სერტიფიცირების პროცესზე ესაუბრნენ.

ახალციხეში 45 წლიანი გამოცდილების მქონე პედაგოგები დააჯილდოვეს

საქართველოს ზოგადი განათლების პროფესიული კავშირის წარმომადგენლებმა  40–დან 45 წლიანი სტაჟის მქონე პედაგოგები დააჯილდოვეს. ღონისძიების ორგანიზატორებმა მათ სხვადასხვა სახის სიმბოლური საჩუქრები  და სიგელები გადასცეს. დაჯილოვების ცერემონიას, ადგილობრივი ხელისუფლების წარმომადგენლებიც დაესწრნენ.

ახალციხეში არსებული სასწავლო დაწესებულებები გათბობის მოლოდინში

ზამთრის მოახლოებასთან ერთად ერთ–ერთი აქტუალური თემა გათბობაა. ახალციხის მასშტაბით, სკოლებსა და ბაღებში ბუნებრივი აირის ან საშეშე მერქნის საშუალებით თბებიან.  არაიან თუ არა მზად სასწავლო დაწესებულებები მკაცრი კლიმატური პირობებისთვის – თემით „ექოს” გადამღები ჯგუფი დაინტერესდა.

 

ახალციხეში სტუდენტთა საერთო საცხოვრებელი აშენდება

axalcixis universitetiსოციალურად დაუცველი, ნიჭიერი სტუდენტებისთვის ახალციხეში საერთო საცხოვრებელი აშენდება – ამის შესახებ საქართველოს პრემიერ მინისტრმა სასტუმრო “რედისონში” საზოგადოებისთვის მთავრობის ორწლიანი საქმიანობის ანგარიშის წარგენისას განაცხადა. მისი თქმით, საცხოვრებელი ახალციხის გარდა აშენდება, თბილისში, ზუგდიდსა და ქუთაისში.

თბილისში დაიწყო სოციალურად დაუცველი , რეგიონებიდან ჩამოსული მაღალაკადემიური მოსწრების სტუდენტებისთვის თანამედროვე და კეთილმოწყობილი საერთო საცხოვრებლის მშენებლობა. სტუდენტებისთვის საერთო საცხოვრებლები აშენდება ახალციხეში, ზუგდიდასა და ქუთაისშიც,”- განაცხადა ირაკლი ღარიბაშვილმა.

განათლებისა და მეცნიერების მინისტრის განმარტებით, თბილისის სტუდენტური ქალაქის მშენებლობა 2014 წლის ბოლომდე უნდა დაიწყოს.

“საერთო საცხოვრებლების საპროექტო სამუშაოები უკვე დასრულებულია. იწყება უშუალოდ მშენებლობის პროცესი. სავარაუდოდ, მშენებლობა წლის დასრულებამდე დაიწყება,”- აღნიშნა თამარ სანიკიძემ.

ახალციხეში სტუდენტთა საერთო საცხოვრებლის მშენებლობის თაობაზე სტუდენტებს ქალაქის მერი გიორგი კოპაძეც ესაუბრა. მისი თქმით, აღნიშნულთან დაკავშირებით მოლაპარაკებები უკვე დაწყებულია.

 

სამუსიკო სკოლის ისტორიული შენობა ნგრევის პირასაა

შენობა, რომელიც ახალციხეში ერთ–ერთი ყელაზე ძველი და მოუვლელია–წარსულში ორბელიანების საცხოვრებელი და ამჟამად სულხან ცინცაძის სახელობის სამუსიკო სკოლა ავარიულ მდგომარეობაშია. აქ არსებული სახიფათო პირობების გამო, დაწესებულებაში მოსწავლეთა რაოდენობა ყოველწლიურად იკლებს.

თამარ სანიკიძის ინფორმაციით, მოხეში სასწავლო პროცესი არ ჩაშლილა

2014041312585611    განათლებისა და მეცნიერების მინისტრი ადიგენის მუნიციპალიტეტის სოფელ მოხეში სწავლის შეჩერების შესახებ გავრცელებულ ინფორმაციას ეხმიანება, თამარ სანიკიძის თქმით, სასწავლო პროცესი არა სოფელ მოხეში, არამედ მოსაზღვრე სამ სოფელში შეფერხდა.

როგორც მთავრობის დღევანდელი სხდომის შემდეგ თამარ სანიკიძემ ჟურნალისტებს განუცხადა, საუბარია მოხეს სამ მოსაზღვრე სოფელზე, “სადაც მცხოვრებთა ინტერესებს წარმოადგენდა სამლოცველოს თემა“.

“იქ, სამწუხაროდ, შეფერხებულია სასწავლო პროცესი, თუმცა პედკოლექტივი, ადმინისტრაცია ადგილზე არიან და ელოდებიან ბავშვებს. თუ ისინი მივლენ, ჩატარდება გაკვეთილები, სხვა შემთხვევაში პროცედურების დაცვა მოგვიწევს, ეს არის “არა”-ს დაწერა და ა.შ.”, – განაცხადა თამარ სანიკიძემ.

მისივე თქმით, რესურსცენტრის წარმომადგენლები ესაუბრებიან სკოლების დირექტორებს, ადმინისტრაციას, მშობლებს. განათლების მინისტრი იმედს გამოთქვამს, რომ ეს პრობლემა ძალიან მალე მოგვარდება და ბავშვები არ დაზარლადებიან.

თავად ინციდენტს რაც შეეხება, როგორც თამარ სანიკიძემ აღნიშნა, თემა არის სპეციფიური და სენსიტიური, თუმცა კანონი ყველასთვის ერთია.

შეგახსენებთ, რომ ადგილობრივმა მოსახლეობამ დღეს განაცხადა, რომ რომ პროტესტის ნიშნად ბავშვები სკოლაში არ გაუშვეს. ის რომ  სოფელ მოხის სკოლაში მოსწავლეთა მცირე რაოდენობა მივიდა, ამას “მეცხრე არხს” მოხის სკოლის პედაგოგებიც უდასტურებენ, თუმცა  განათლებისა და მეცნიერების მინისტრი საწინააღმდეგოს ამტკიცებს.

პროტესტის ნიშნად, მოხის სკოლაში მოსწავლეები არ მივიდნენ

535899_807590895965683_1660553113984662806_n   ადიგენის მუნიციპალიტეტის სოფელ მოხის საჯარო სკოლაში 6 სოფლის185–მდე მოსწავლე სასწავლო დაწესებულებაში არ მივიდა. ადგილობრივების თქმით, ბავშვები სკოლაში პროტესტის ნიშნად არ გაუშვეს. ფიქრობენ, რომ მათ პოლიციისგან საფრთზე ემუქრებათ.

“თავის დაზღვევის მიზნით, დღეს ბავშვები სკოლაში არ გავუშვით. ვიცავთ ყველასგან. ვფიქრობთ, რომ მათ საფრთხე ემუქრებათ. ასე მანამ მოვიქცევით, სანამ სიტუაცია არ დაწყნარდება” – აცხადებს მოხის მკვიდრი ნოდარ დიმიტრაძე.

მისივე თქმით, თანასოფლებები სამცხე–ჯავახეთის სამხარეო მთავარი სამმართველოს შენობასთან დაკავებულების გათავისუფლებას ელოდებიან და ფიქრობენ, რომ მათ მალე გაათავისუფლებენ. აქციის მონაწილეები ასევე, ელოდებიან სახალხო დამცველს.

სამართალდამცველებსა და მოხეს მოსახლეობას შორის დაპირისპირებისას სოფელში 22 ოქტომბერს 14 ადამიანი დააკავეს. ისინი სამცხე–ჯავახეთის სამხარეო–მთავარ სამმმართველოს შენობაში არიან გადაყვანილნი, სადაც მათი გათავისუფლების მოთხოვნით მუსლიმი საზოგადოება მშვიდობიან აქციას მართავს.